هویردەکاری نوویگ لە رویداو ئەفسەرەگەی بەغداد.. سەرچەوەیگ: پاسەوان رەیان کلدانی دەسدرویژی کردیە
2024-06-05T07:14:52+00:00
شەفەق نیوز/ سەرچەوەیگ ئەمنی، ئمڕوو چوارشەممە، خەوەردا پاسەوان ئەمیندارگشتی بزوتنەوەی "بابلیۆن" رەیان کلدانی دویەشەو سێشەممە لە بەغدای پایتەخت هەڵسیایە وە دەسدرویژی کردن، وتیش ئەو ئەندامە سەر وە دەزگای ئەمنی هەسیاریگە.
سەرچەوەگە وە ئاژانس شەفەق نیوز خەوەردا، ئەو ئەفسەریگ دەسدرویژی وەبانی کریاگە و لە پارچەڤیدیۆگە دەرچگە و دویەشەو بڵاوکریا ئەفسەر هاتوچوی نییە، ئەندامیگە سەر وە دەزگای ئەمنی هەستیاریگ.
وتیش ئێ ئەندامە کە دەسدرویژی وەبانی کریا لە ئەرک ئەمنی خوەی بویە لە ناوچەگە، دیاریکرد وەلایەن پاسەوانەیل رەیان کلدانی پەلامار دریاس لە ناوچەی مەنسوور بەغداد.
سەرچەوەگە وتیش، فەرمان دەگیرکردن ئەرا دەسدرویژکەرەیل دەرچگە.
