زیندانکردن خاوەن مەکتەویگ وەتاوان دەسدرۊژی لەبان ١٣ دۊەت
2022-02-15T13:29:13+00:00
شەفەق نیوز/ دادگایگ لە ئەندەنوسیا، فەرمان لەبان خاوەن مەکتەویگ ناوخۆیی وەناو هیری ویبراوان وە زیندان هەتایی دەرکرد، لەوەر تاوان دەسدرۊژی سێکسی لەبان ١٣ دۊت خوەنەوار، و وەرجەوە ئامادەکاری لەناو مەکتەوەگەی ئەرا ئەو تاوانە کردگە.
ئەو تاوانە ک لەبان دۊتەیلیگ تەمەن ١١ و ١٦ ساڵان رای گشتی ئەندەنوسیا لەرزان، ک پارەکە ئاشکرا کریا. براوان ک هەمیش مامووستای ئاینە، هەر لە ساڵ ٢٠١٦ دەسدرۊژی لەبان دۊتەیلە کردگە، و هەشت لەلیان دووگیان بۊنە، و نۆ مناڵ زاینە.
خاوەن سکاڵایلە گاڵ دادگا دان تاوانکارەگە بەێدە سێدارە، باوجی دەزگای دادوەری لە دادگای باندۆگ، ئمڕوو سێشەممە، فەرمان لەبان ئەو پیاو ٣٦ساڵانە وە زیندان هەتایی دەرکرد.
