مامووستایگ ئیرانی پەلامار سێکسی لەبان ١٨ دویەت لە هووکارەکاردن قورئان دەێد
شەفەق نیوز/ میدیایل راگەیانن فەرمی ئیران، ئمڕوو چوارشەممە، ئاشکرای تاوان مامووستایگ سەرەتایی وە دەسدرۊژیکردن سێکسی لەبان ١٨ دویەت خوەنەوار کرد، لە شار فیردەوس لە پارێزگای خوراسان باشووری.
عەلی رزا موسەوی نەژاد وەڕیەوبەر گشتی پەروەردە لە خوراسان باشووری، ئەرا ئاژانس فەرمی ئیران "ئیرنا" وت: دەسدرۊژیکردن سێکسی رەسیە ١٨ دویەت خوەنەوار لە قۆناغ سەرەتایی لە شار فیردەوس.
وتیش: کارەگە لە ئایار گوزەشتە بویە، و تاوانکارەگە تەمەنی ٥٥ ساڵە.
موسەوی نەژاد دیاری کرد ک ک کابرا ٢٨ ساڵ ئەزموون لە مامووستایی دیرێد، و تا ئیسە هویچ کار بەدیگ نەکردیە، باوجی لەناو ماڵەگەی لە دەیشت وەخت خوەنەواری، خولیگ ئەرا هووکارەکاردن قورئان واز کرد.
وەرپرسە ئیرانیەگە وتیش: وە قسەی دویەتەیل، ئەو کابرا قسە ورەفتار بەد کردیە لە مەوقەی هووکارەکردن لەناو ماڵەگەی، وتیش: ئەوەسا لایەنەیل پەیوەندیدار ودادگا کەفنە شوین ئی کردەوە.
لەلای خوەییش، سایت "سەحام نیوز" لە زوان باوگ یەکیگ لەو دویەتەیلە وت: ئی مامووستا پەلامار سێکسی ١٨ دیوەت لە قۆناغ سەرەتایی دایە، ک تەمەنیان ها ناوبەین ٨ تا ١١ ساڵان.
وتیش: ئی مامووستا وە خانەوادەی دویەتەیل وتیە ئەوەسا وەپەتی هووکارەی قورئانیان کەم، تا لە خوەنستن و هویرمانگردن خاس بوون.
و دیاری کرد ک لە گەراج ماڵەگەی نشان دویەتەیل پارچە ڤیدیۆی سێکسی لەناو مۆبایلەکەی دایە.
لە ئاشکراکردن ئی کارە وت: دویای ماوەیگ زانستم ک دویەتەگەم ئارام نییە، و هەنای ئەرا ماڵ گلەو خوەێد قسە وەرد کەسیگ نیەکەێد، وەلێ وتیمن هاتێ گرفتیگ لە مەکتەو داشتوود.
وتیش: جاروباریش نووڕیمن دویتەمان نووڕێدە شوینیگ وهویچیگ نیەوشێد، تا رووژیگ وەڕیەوبەر مەکتەو تەلەفۆنمان کرد و وت: یەکیگ لە دویەتەیل کەفتیەسە وەر دەسدرۊژیکردن سێکسی لەلایەن مامووستایگ ٥٥ ساڵان.
باوگەگە وتیش: دویەتەگەم تا شەوەکی گیریاد وتا ماوەی یەک هەفتە قسە وەرد کەسیگ نەکرد، و ئی مامووستا هەڕەشەیان داگە ئەگەر باس ئی کارە بکەن، ئەوەسا ئاو کوڵیای کەێدە بانیان، یا باوگ وداڵگیان کوشێد.
وتیش: هەنای وەڕیەوبەر مەکتەوەگە وەو کارە زانست، ئاگادار وەڕیەوبەر پەروەردەی پارێزگای خوراسان باشووری کرد، وئەویش داوا لە وەڕیەوبەرەگە کرد لەلای میدیایل راگەیانن بیدەنگ بوود، وەنە قاوی دریەێد.
