هاوپەیمان ناودەوڵەتی ئاشکرای ووردەکاریەیلیگ لە کۆبونەوەی پایەبەرزیگ لەناوبەین بەغداد و کوردستان کەێد ئەرا لەناوبردن داعش
شەفەق نیوز/ مایلز کاگینز قسەکەر وەناو فەرماندەی هێزەیل هاوپەیمان ناودەوڵەتی لە عراق ئاشکرای کۆبونەوەگان کرد ک ناوی نا وە ''پایەبەرز''، ئەرا لەناوبردن داعش لە ناوچە سەختەگان.
کاگینز لە گفتوگۆی تایبەتیگ وەگەرد ئاژانس شەفەق نیوز ک دویایی بڵاو کریەێد وت: ئەو کۆبونەوەیلە موستەفا کازمی سەرۆک وەزیران عراق و مەسرور بارزانی سەرۆک وەزیران هەرێم کوردستان گریدو، وهەمیش ئەفسەرەیلیگ لە وەزارەت وەرگری عراق و پێشمەرگەیش.
وتیش؛ ئوپراسیۆنەیلیگ خەریکە ئەنجام دریەێد وەگورەی هەماهەنگی هاوبەشیگ لەناوچەیل کویەیل مەکحول وحەمرین و دووزخورماتو، ولەئاستیگ فرە گرنگ ئەرا لەناوبردن داعش لەو ناوچەیلە، و هەماهەنگی فرە گرنگیگ هەس لەناوبەین هێزەیل پێشمەرگە و ئەو هێزەیل عراق ئەرا لەناوبردن داعش.
وتیش؛ لە مانگ گوزەیشتە ''ئۆپراسیۆن پاڵەوانەیل عراق'' دەسکردەپی، هێزەیل سوپا وپۆلیس عراق وهێزەیل پێشمەرگە و بەشیگ لە هێزەیل حەشد شەعبی وەهەماهەنگی وەگرد گشت هێزەگان لەدەور چوار کێلومەتر چوارینە لە پارێزگای دیالە جیماگەیل داعش لەناو دا.
هەمیش وت: هاوپەیمانی پشتگیری ئەو ئۆپراسیۆنەیلە کرد ک لەبان داعش کریا وە فڕۆکەیل بیفڕۆکەوان ئەرا رەوانەکردن، وگشت ئی پاڵپشتیە لە داواکردن حکومەت عراق هات لە هاوپەیمان ناودەوڵەتی، و هاوپەیمانەگە باوڕدارە ک وەردەوامی پەیوەندی تەواوەتی لەناوبەین هێزەیل پێشمەرگەو ئەمن عراق وەشیوەیگ گەوراتر هیلێد داعش لە
