هەواڵگیری عراق تووڕیگ تیرۆرستی رخبەریگ پویچەوکەێد لە بەغدا

دەزگاگە لە بەیاننامەیگ رەسیە ئاژانس شەفەق نیوز وت " پاڵەوانەیل دەزگاگە یەکیگ لە گەپترین ئۆپراسیۆنەیل هەواڵگیری جویری وە سەرکەفتی جیوەجی کردن تووڕیگ تیرۆرستی لە بەغدای پایتەخت دەسگیرکردن".

لە بەیانامەگەی ئاشکەراکرد " ئی ئۆپراسیۆنە  بەسیایە وەگەرد‌ ئەو ئۆپراسیۆنە کە دەزگاگە وە هاوبەشی وەگەد دەزگای دژە تیرۆر ئەنجامی دانە لە  26 شوبات 2023 کە 22 تیرۆرست لە بیاوان ئەنبار خوەرئاوای وڵاتەگە، وئامانجەیل نوویگ توومارکریا ئاشکەراکریا ئی تووڕە پیلان دانانە ئەرا ئۆپراسیۆنیگ وە ئامانجگردن دەسەی حسێنی و ناوەن پۆلیس و کۆنترۆلکردن و بازاڕ گشتی لە شمارەیگ لە کویچەیل بەغدا.

وتیش، " لەدویای چەودیاریکردنیگ مەیدانیانەی هویردیگ لە جویلەیان گشت ئەندامەیلیان دەسگیرکریان ودان دانانە وە ئەوەگ پەیووانیوە چەتەیل تیرۆرستی دیرن راهێنان خەسیگ وەپیان کردنە لەبان دروسکردن بۆمب و قاویش تەقینەوە و مادەیل تەقەمەنی و ئامادەکریانە ئەرا ئۆپراسیۆنەیل خوەیکوشی".