دەسگیرکردن سێ تیرۆرست رخبەر لە بەغداد

ئاژانسەگە لە بەیاننامەیگ رەسیە ئاژانس شەفەق نیوز وت: مەفرەزەیلی لە ئۆپراسیۆنەیل ناکاوی وەردەوامن لەبان چەتەیل کوفر و تیرۆر، وە ئۆپراسیۆنەیلیگ جیاجیا لە بەغداد رەسیە دەسگیرکردن سێ تیرۆرست داواکریاگ وەگورەی مادەی ٤ تیرۆر، یەکیگیان وەناو ئەبو وەهیب ک یەکیگە لە تیرۆرستە ناودیارەیل ک وەلایەن پاڵەوانەیل ئاژانس هەواڵگری کەفتنە شوینی، دویای ولیینی لە وەرەو دەوڵەتیگ هاوسا.

وتیش: ئەو تیرۆرستەگە وەناو ئەبو ئەنەس ک کار لە رزەیل داعش لە ویلایەت باشوور کردگە، و ئەو تیرۆرستەگە ک کار لە پیشکەشکردن پاڵپشتیکردن لۆجیکی ئەرا ئەندامەیل داعش کردگە لە کەرت دیالە.