هەواڵگری سەربازی چنە ناو بارەگایل دوو کۆمەڵەی بازرگانی وە هووشبەرەگان کەن
شەفەق نیوز/ هەواڵگری سەربازی، ئمڕوو سێشەممە، راگەیان لە ئۆپراسیۆنیگ ئەمنی چگنە ناو بارەگایل چەتەیلیگ لە باشوور بەغداد پایتەخت بازرگانی وە هووشبەرەگان کەن.
هەواڵگری سەربازی سەروە وەزارەت ناوخۆ، لە بەیاننامەیگ رەسیە ئاژانس شەفەق نیوز وت: مەفرەزیل هەواڵگری سەربازی، توێنستن دوو کۆمەڵە لە ٦ کەس لە ناوچەی وەردیە لە قەزای مەداین باشوور بەغداد گیر بارن بازرگانی وە هووشبەرەگان کەن.
بەیاننامەگە وتیش؛ مەفرەزیل هەواڵگری کەفتنە رویوەڕوبینیگ وەگەرد چەتەگە، و دەسگیر تاکەیل یەکەم کۆمەڵەگە کردن ک سێ کەس بوین، و چەکیگ کلاشینکۆف و دەوانچەیگ ٥ میلیم و مادەی کریستال لەناو کیسەیلیگ بویچگ لەلایان گردن.
بەیاننامەگە وتیش؛ وە ئاشکراکردن یەکیگ لە ئەندامەیل پەتەگە لە حەشارگەیگ تر بازرگانی وە هووشبەرەگان کەێد چگنە ناو شوون ئەو کۆمەڵەگە، و دەسگیر سێ تاکەگەی کریا، و دەسنریا بان مادەی کریستال لەلایان وەگەرد چشتەیل وەکارهاوردنەگەی.
وەگورەی بەیاننامەی هەواڵگری، بازرگانەگان وەگەرد دەسپیچکەیل تاوانەگان دریانە دەس لایەنە پەیوەندیدارەگان، تا وەگورەی فەرمانەیل مادەی ٢٤ هووشبەرەگان لە یاسای سزاگان عراق هەواڵەیان ئەرا دادوەری بکریەێد.
