هەماهەنگییگ ئەمنی ناوەین عراق و ئیران بوودە مدوو دەسوەبانگردن 64 کیلوگرام مادەی هووشبەر "رخدار"
2025-12-18T13:47:24+00:00
شەفەق نیوز - بەغداد
وەزارەت ناوخوەی عراق، ئمڕوو پەنجشەممە، راگەیان وە هەماهەنگی وەرد دەسڵاتدارەیل ئیران توەنستنە دەسبگرن وەبان زیاتر لە 60 کیلوگرام مادەی هووشبەر.
وەزارەتەگە لە بەیاننامەیگ راگەیان "دویای وەرگردن رەزامەنی فەرمیەیل و لەری هەماهەنگی ئەمنی ناودەوڵەتی وەرد لایەن ئیرانی توەنریا، دەسبگرێد وەبان 64کگم مادەی هووشبەر رخدار و توومەتباریگیش لە مەوقەی ئەنجامداین تاوانەگە دەسگیربکرێد".
دیاریکرد، "ئۆپراسیۆنە جویریەگە" لە شار عەبادان ئەنجامدریاس، وەلایەن مەفرەزەیگ پسپۆڕ وەڕێوەبەرایەتی گشتی کاروبار ماددە هۆشبەرەیل و وە هاوکاریی وەڕێوەبەرایەتی وەرەنگاربوین ماددە هۆشبەرەیل ئیران، جویر بەشیگ لە هەوڵە هاوبەشەیل ئەرا وەرەنگاربوین دیاردەگە.
