هیزە ئەمنیەیل "عەمید چزدەرەگە" لەناو ماڵ خوەی لە بەسڕە دەسگیرکەن
2024-03-21T09:05:02+00:00
شەفەق نیوز/ سەرچەوەیگ ئەمنی، ئمڕوو پەنجشەممە، خەوەردا لە دەسگیرکردن عەمید کۆلیژ کۆمپیوتەر لە زانکۆی بەسڕە عیماد شەعلان ئەلشاوی.
سەرچەوەگە وە ئاژانس شەفەق نیوز وت، هێزە ئەمنیەیل لە دویای نیمەشەو ئەلشاوی لەناو ماڵەگەی خوەی لە بەسڕە دەسگیرکردیە ، وەپای ئەمر دادوەر وە توومەت چزداین.
دویەشەو چوارشەممە، وەزیر خوێندن باڵا نەعیم عەبودی، بڕیار دەس لەکارکیشانەوەی عەمید کۆلێژ کۆمپیوتەر لە زانکۆی بەسرە عیماد شەعلان ئەلشاوی راگەیان، لەوەر بڵاوبوین پارچە ڤیدیۆ و وینەیلی"رسوایی" کە لەبارودۆخیگ "شەرمەزارکەر" بویە وەرد دویەتە خوەنەوایگ لەناو نویسینگەی کۆلێژەگە، لەئەنجام کارەیلی چزداینی دویەتە خوەنەوارەیل و وە سوود وەرگردن لە پێگەگەی ئاشکەرابوی، وەپای سەرچەوەیل.
