ئازادکردن مناڵیگ رفیای لە بەسرە

  شەفەق نیوز/ وەڕێەوبەرایەتی پۆلیس بەسرە، ئمڕوو دووشەممە، ئازادکردن مناڵیگ رفیای راگەیان،  ودەسگیرکردن بڕفنەگە لە ناوچەی موەفەقیە. 

وەڕێەوبەرایەتیەگە لە بەیاننامیگ رەسیە ئاژانس شەفەق نیوز وت: لە وەخت دیریگ مەوقەی گەردین مەفرەزەیل پۆلیس موەفەقیە، لە گردەوبوین خەڵکەگە لەوەردەم ماڵیگ پرسین، ودەرکەفت ک کاسیگ مناڵیگ ٧ ساڵان رفانیە.   

وتیش: پۆلیس وەکوتپڕ دەسکردە وەشکێن، وکوڵەیگ ئەرا بڕفنەگە نریا، تا دەسگیر کریا، هەنای باوان مناڵەگە ناسینەی، ئاشکرای تاوان خوەی وەرفانن ئەو مناڵە لەوەردەم ماڵیان کرد. 

پۆلیس بەسرە وتیش: ریکارەیل یاسایی لەبان توومەتبارەگە جیوەجی کریا، ومناڵەگە دریا دەس خاوەنی.