دوو برا لە بەسرە باوگ (بازرگانکار) خوەیان وەتەمای میراتی کوشن
شەفەق نیوز/ ئاژانس هەواڵگری سەروە وەزارەت ناوخۆی عراق، ئمڕوو سێشەممە، ئاشکرای تاوان کوشتن نادیاریگ ئەرا یەکیگ لە بازرگانەیل پارێزگای بەسرە کرد.
شانەی راگەیانن ئەمنی لە بەیاننامەیگ رەسیە ئاژانس شەفەق نیوز وت: هەواڵگری و لێکۆلینەوەی فیدراڵی لە وەزارەت ناوخۆ، تۊینست ئاشکرای تاوان کوشتن نادیاریگ لەبان بازرگان چشتەیل ئامێر قورس لە پارێزگای بەسرە بکەن.
شانەگە دیاری کرد ک ئاشکراکردن ئی تاوانە دۊیای رەوانەکردن باوەتەگە لەلایەن دادوەر لێکۆڵینەوە ئەرا ئاژانس هەواڵگری و لێکۆڵینەوەی فیدراڵی هات، ک ئەویش تەقەلایلی خەسەو کرد و کەفتە شۊین بندروس تاوانەگە، و لێکۆلینەوە وەگەرد توومەتباریگ لە باوەتەگە کرد.
و دیاری کرد ک ئی لێکۆڵینەوەیلە رەسینە ئەوە ک توومەتبارەگە وە زوان خوەی باس ئەوە کرد ک خوەی و براگەی وە تەمای میراتیەگە وەگەرد ئاموزایان کەین و بەین کردن، ئەرا کوشتن باوگیان لەناو دوکانەگەی، ک ئەو دوو توومەتبارەگە دەسگیر کریان و ئاشکرای تاوان خوەیان کردن.
