دو تاوان بەسرە لەرزنێد.. گەنجیگ داڵگ خوەی خنکنێد و یەکیگیش خوەشک خوەی کوشێد
2021-12-20T12:43:33+00:00
شەفەق نیوز/ سەرچەوەیگ ئەمنی لە بەسرە، ئمڕوو دوشەممە، خەوەردا لە روودان دو تاوان، یەکەمیان گەنجیگ داڵگ خوەی خنکنێد لەویتریش کابرایگ خوەشکەی خوەی وە گولە کوشێد.
سەرچەوەگە وە ئاژانس شەفەق نیوز خەوەردا، گەنجیگ داڵگ خوەی خنکانیە وە هووکار نادیاریگ، وتیش؛ هێزەیل ئەمنی تاوانبارەگە دەسگیر کردنە، لێکۆلینەوە ئەرای وازکردنە ئەرا ئاشکەراکردن ئەو هووکارەیلە پاڵنەری بۊینە لە ئەنجامداین ئێ تاوانە.
سەرچەوەگە وتیش؛ کەسیگ وە گولە خوەشگ خوەی کوشتیە لە یەکیگ لە کۊچەیل ناوراس پارێزگای بەسرە و ئەرا شۊن نادیاریگ ئەلهاتییە.
دیاریکرد، هێزەیل ئەمنی دەسکردنە وە لێکۆلینەوە لە تاوانەگە و هووکارەیل ئەنجامدان رووداوەگە، هێزەیل هانە پەیوەندی ئەرا پەیاکردن تاوانبارەگە.
