نرخەیل نەفت دووارە بەرزەوبوین

شەفەق نیوز/نرخەیل نەفت، ئمڕوو جمعە، بەرزەوبوین لە ناو ئومیدەیلیگ وەخاسەوبوین داواکردنەگان لەبان نەفت خام، دویای زەرەدمەنیی لەوەر قەیران کۆڕونا، وهەمیش لە بەیاننامەیلیگ لە کەمەوبوین پشتدەسەی نەفت ئەمریکا. شەوەکی جمعە، یەکەم بازاڕ گریەبەسیە دویاخریایەگان خام بڕنت دەسکردەپی، لەپای ٤٢،١٧ دۆلار ئەرا بەرمیلیگ، وەرێژی بەرزەوبوین ٠،٥٥٪ لە نرخ وەرین. وگریەبەسەگان خام ئەمریکی، خوەرئاوای تیکساس ناوڕاسین، لەپای ٤٠،٥٥ ئەرا بەرمیلیگ بوی، وەزایبوینیگ وەرێژەی ٠،٦٪ لە نرخ دوئەکە. نرخەگان ئمڕوو قانجازەیلیگ دەرخستن لەسای ئومید بەرهەمهاورەیل وەخاسەوبوین داواکردنە جهانیەگە لەبان خام، ک مەزنەنەس بەشیگ لە دەوڵەتەگان وازبارن لە چەسپانن کەرەنتین تەندروسی سەخت، وهەمیش شەپۆل دوویەم لە کۆڕۆنا کاریگەری لەبان داواکاری نەیاشتاد جوور ئەوەگ لە وەهار بوی.