ناوخۆ ریکارەیل یاسایی وەرانوەر دەسدرۊژی لە خەسەخانەی هیندیە کەێد
شەفەق نیوز/ عوسمان غانمی وەزیر ناوخۆی عراق، ئمڕوو دووشەممە، فەرمان وە ریکارەیل یاسایی لەبان پێشیلکارەیل دەرکرد، لەپشت ئەو کردەوەیلە ک لەناوبەین پۆلیس و رووژنامەوانەیل بۊ، لەمەوقەی توومارکردن ئاگر خەسەخانەی هیندیە.
وەزارەتەگە لە بەیاننامەیگ رەسیە ئاژانس شەفەق نیوز وت: عوسمان غانمی وەزیر ناوخۆ نووڕستە ئەو ریکارەیلە ک تیمەیل وەرگری شارستانی لە کپەوکردن ئاگر دۊکە لەناو خەسەخانەی هیندیە لە پارێزگای کەربەلا جیوەجی کردن، و هەمیش کار دەزگا ئەمنیەیلە.
وتیش: هەمیش غانمی خوەی چەودیری ئەوەگ کەفتە ناوبەین پۆلیس پارێزگای کەربەلا وەگەرد بەشیگ لە برا رووژنامەوانەیل ک داشتن ئی رۊداوە توومار کردن، ک وەزیر فەرمان وە بردن ریکارەیل یاسایی وەرانوەر پێشەلکارەیل دا.
وەرجەیە، هێزە ئەمنیەیلە دەسدرۊژی لەبان شامرەیگ لە کارمەنەیل میدیایل راگەیانن کردن، و نەیشتن توومار رۊداو خەسەخانەگە بکەم، وەرجەیە ئاشکرای هەسی تەرمەیلیگ بکریەێد.
