مردن و زەخمداری ٧ کەس لە رۊداویگ هاتوچو لە دیالە...وینە

مردن و زەخمداری ٧ کەس لە رۊداویگ هاتوچو لە دیالە...وینە
2022-04-14T10:54:04+00:00

شەفەق نیوز/ سەرچەوەیگ ئەمنی لە دیالە، ئمڕوو پەنجشەممە، خەوەردا لە مردن و زەخمداری ٧ کەس وە رۊداو هاتوچو لە ڕێ بەعقوبە- ناحیەی مەنسوریە لە باکوور  خوەرهەڵات بەعقوبە ناوەن پارێزگاگە. 

سەرچەوەگە وە ئاژانس شەفەق نیوز وت، مەدەنیگ گیان لە دەسدایە و ٦ کەس زەخمدارە ک زاڕوو و ژنیش هالە ناویان لەئەنجام وەیەککیشانن پاس بۊچگیگ (ستارکس) وەگەرد بارهەڵگر گەپیگ لە ری بەعقوبە- ناحیەی مەنسوریە لە نزیک ئاوای (سراجق). 

وتیش، تیم فریاگوزاری و وەرگیری شارستانی تەرم قوربانیەگە ئەرا پزشک دادوەری کلکردنە و زەخمدارەیلە ئەرا خەسخانە ئەرا وەرگردن چارەسەری بردنە، دەسڵاتدارەیل هاتوچو ڕێکارەیل یاسایی وەرگردنە.

Shafaq Live
Shafaq Live