زەخمداری دو کەس وە رویداو هاتوچو لە دیالە
2022-04-21T07:04:28+00:00
شەفەق نیوز/ سەرچەوەیگ ئەمنی لە دیالە، ئمڕوو پەنجشەممە، خەوەردا لە زەخمداری دو مەدەنی وە رویداو هاتوچو لە دەوروبەر قەزای خاڵس باکوور خوەرهەڵات بەعقوبە.
سەرچەوەگە وە ئاژانس شەفەق نیوز وت، دو مەدەنی زەخمدار بوینە، لە ساعاتەیل سەرەتای دویەشەو، لە ئەنجام لە کۆنترۆڵ دەرچگن ماشینەگەیان و چگنە بان بەربەست کۆنکرێتی لە دەروازەی قەزای خاڵس، (١٥کم باکوور خوەرهەڵات بەعقوبە).
وتیش،" زەخمدارەیلە ئەرا خەستەخانە کلکریانە، دەسڵاتدارەیل هاتوچو لێکۆڵینەوە لە ڕویداوەگە وازکردنە".
