مردن و زەخمداری 24 هاندەر وەرزشی وە رویداویگ هاتوچو لەباشوور عراق
2023-01-16T09:10:09+00:00
شەفەق نیوز/ سەرچەوەیگ ئەمنی لە زیقار، ئمڕوو دووشەممە، خەوەردا لە مردن هەشت کەس و زەخمداری زیاتر لە 16 کەس وە رویداو هاتوچو لە پارێزگاگە، دیاریکرد ئەوان لەڕی بەسرە بوینە ئەرا ئامادەبوین لە بازیەیل خەلیج 25.
سەرچەوەگە وە ئاژانس شەفەق نیوز وت، " 8 کەس گیان لە دەسدانە و 16یش زەخمدارە وە رویداو هاتوچو ک هووکارەگەی خەسی تەم بویە لە ناوچەی تەل لەحم لەڕی ناودەوڵەتی خێرا لە باشوور پارێزگای زیقار".
ئاشکەرایکرد " ئەو ماشینەیلە لەیەکدانە بریتین لە پاسیگ ک هاندەرەیل هەڵگردوێد و ماشین بارهەڵگر گەپیگ لە جویر ترێلە"
