زەخمداری ٧ فێرخواز لە کەفتیان لەبان بازییگ لە شار یاری باکوور بەسرە

شەفەق نیوز/ بڕیگ مناڵ فێرخواز، ئمڕوو پەنجشەممە،.دویای کەفتیان لە بازییگ، لەناو شاریگ یاری باکوور پارێزگای بەسرە، لە وەخت گەشتیاری مەکتەو، زەخمدار بوین.

سەرچەوەیگ ئەمنی وەرپرس ئەرا ئاژانس شەفەق نیوز وت: هەفت مناڵ تویش زەخمداری سووکیگ هاتن، یەکگیان بریا خەسەخانە، لەوەر بڕیان زەنجیر یەکیگ لە بازیەیل (تاوەر) لە شار یاری مولتەقا لە قەزای قورنە باکوور بەسرە.

وەرجەیە، وەڕیەوبەرایەتی پەروەردەی پارێزگای دیوانیە، زەخمداری ١٥ فێرخواز راگەیان، دویای کەفتنیان وەناو گوڵەم ئاویگ لەناو یەکیگ لە مەکتەوەیل پارێزگاگە.