مردن ژنیگ وە سزیان و تلیان یەکیگ ترەک وە رویداو هاتوچو لە کەرکوک
2023-12-27T08:37:28+00:00
شەفەق نیوز/ سەرچەوەیگ ئەمنی لە کەرکوک، ئمڕوو چوارشەممە، خەوەردا ژنیگ سزیایە و پیاویگیش زەخمدار بویە وە رویداو هاتوچو و رویداویگتر کۆتایی وە ژیان دویەتیگ تیارێد لە پارێزگاگە.
سەرچەوەگە وە ئاژانس شەفەق نیوز وت، "خانمە مامووسایگ زانکۆ لەداڵگبوی 1975 وە هیزگردن ئاگر لە ماشینی لە نزیک خەسخانەی شیفا لە شار کەرکوک گیان لە دەسدایە، لە رویداوەگە پیاویگیش تویش زەخمداری هاتیە".
وتیش "تیم وەرگیری شارستانی توەنستنیە ئاگرەگە کپەوبکەێد و تەرم ژنەگە درارێد، و پیاوەگەش ئەرا چارەسەرکردن کلکردە خەسخانە.
سەرچەوەگە دیاریکرد، لە رویداویگتر، "دویەتیگ 20 ساڵان گیان لە دەسدایە لەدویای ئەوەگە ماشین خێرایگ دەێد لەلی مەوقەی رەدبوینی لە جادەی نزیک پەیمانگای تەکنیکی لە شار کەرکوک".
وتیش، "رانندەگە ئەرا شوین نادیاریگ وایە، دەزگایەیل ئەمنی وەردەوامن لە دویاچگن کردن"دیاریکرد "تەرمەگە ئەرا پزیشک دادوەری کلکریایە ئەرا تەواوکردن رێکارەیل پێویست".
