مردن مەدەنیگ و زەخمداریبوین دوو کوڕ وە دوو رویداو لە دوو پارێزگا
2023-11-28T09:41:01+00:00
شەفەق نیوز/ دوو سەرچەوەی ئەمنی لە پارێزگای دیالە و کەرکوک، ئمڕوو سێشەممە، خەوەردا لە مردن و زەخمداری بوین 3 کەس وە دوو رویداو جیاواز.
سەرچەوەیگ ئەمنی لە پارێزگای دیالە وە ئاژانس شەفەق نیوز وت، "دوو کوڕ تەمەن 17 ساڵان و 13 ساڵان تویش زەخمداری سەختیگ هاتنە وە چەقوو وە مدوو وەردەوردیگ لەناوەینیان وە چەقوو لە شار بەعقوبە ناوەن پارێزگای دیالە".
وتیش "هیزەیل ئەمنی زەخمدارەیلە ئەرا خەسخانە کلکردنە و لێکۆڵینەوە لە رویداوەگە وازکریایە".
لە کەرکووک گەنجیگ وە رویداو هاتوچو لە دەوروگەرد شارەگە گیان لەدەسدا.
سەرچەوەیگ ئەمنی وە ئاژانس شەفەق نیوز وت " گەنجیگ گیان لەدەسدایە لەدویای ئەوە وە ماتۆڕسکیل لەیەکەودەێد وە بارهەڵگریگ لەناوەین کەرکوک و ناحیەی لەیلان"، وتیش " تەرم قوربانیەگە ئەرا پزیشک دادوەری کلکریاس و رێکارەیل یاسایی پێویست وەرانوەر وە رانندەی بارهەڵگرەگە گیریایە".
