لە سێ پارێزگا.. دوو مردن و ٥ زەخمدار و ئازادکردن رفیاییگ
شەفەق نیوز/ سەرچەوەیلیگ ئەمنی، ئمڕوو شەممە، خەوەردان لە مردن دوو کەس و زەخمداربوین پەنج تر لە دوو رووداو هاتووچو لە پارێزگایل دیوانیە و نەجەف، و هەمیش دژە تاوان بەغداد راگەیان ئازادکردن رفیاییگ و دەسگیرکردن بڕفنەیلی.
سەرچەوەیگ لە پۆلیس دیوانیە ئەرا ئاژانس شەفەق نیوز وت: رووداویگ هاتووچو لەبان ری ناوبەین دیوانیە و قەزای حەمزە شەرقی بوی، لەوەر تەقین تایەر ماشینیگ ک بویە هووکار مردن کەسیگ و زەخمداربوین چوار کەس تر.
هەرلیوا، سەرچەوەیگ خۆجێیی لە نەجەف ئەرا ئاژانس شەفەق نیوز وت: رووداویگ هاتووچو لەنزیک بازاڕەیل تڵا لەناوبەین حەی سەلام و حەی وەفا دوێەکە لە وەخت دیریگ بوی، ک بویە هووکار مردن یەک کەس و زەخمداربوین رانندەگە.
لەلای خوەییش، وەڕێۆبەرایەتی دژە تاوان بەغداد، لە بەیاننامەیگ رەسیە ئاژانس شەفەق نیوز راگەیان ئازادکردن رافیاییگ لە ناوچەی نەهڕەوان ودەسگیرکردن بڕفنەیلی.
و دیاری کرد ک زانیاریەیلیگ رەسینە نووسینگەی دژە تاوان نەهڕەوان لە رفانن هاووڵاتییگ و تیمیگ دروس کریا و وەرەو شوون رووداوەگە رەسین، و دویای مینەکردن و گردەوکردن زانیاریەکان رەسینە تاوانبارەیل و شوونیان دیاری کریا، و دویای وەرگردن مووەەتە دادوەریەکان دوو توومەتبار دەسگیر کربا، و رفیایەگە لەناو ماڵەگەیان ئازاد کریا.
