مردن دوو کەس و زەخمداریبوین 5 کەس وە رویداو "سەختیگ" لەبان ری بەغدا -کەرکوک
2024-01-30T07:29:57+00:00
شەفەق نیوز/ سەرچەوەیگ ناوخوەیی، ئمڕوو سێشەممە، خەوەردا لە مردن و زەخمداریبوین 7 کەس وە رویداو هاتوچوی سەختیگ لەبان ری بەغدا -کەرکوک لە پارێزگای دیالە.
سەرچەوەگە وە ئاژانس شەفەق نیوز خەوەردا، "دوو مەدەنی گیان لەدەسدایە و پەنج کەسیش زەخمداربوین وەپای ئامارەیل سەرەتایی، رویداوەگە لەیەکەوداین ناوەین شمارەیگ ماشین بویە لەبان ری ناوەین بەغداد و هەرێم کوردستان لە پارێزگای دیالە وەرانوەر سەربازگەی (ئەشرەف وەرین).
وتیش، "رویداوەگە لە ئانجام خێرایی بەرزیگ و رەدکردن هەڵەیگ رویدایە"وتیش "تەرم قوربانیەگە و زەخمدارەیل ئەرا خەسخانە کلکریانە و رێکار پێویست وەرگیریاس".
