دەسگیرکردن تاوانباریگ وە کوشتن ودووان لە تەقەکەرەیل لە بەغداد و کەرکوک
شەفەق نیوز/ پۆلیس فیدراڵی، ئمڕوو سێشەممە، دەسگیرکردن یەکیگ لە تاوانکارەیل راگەیان دویای جیوەجیکردن تاوان کوشتن لەناو مرافەیگ، ودووانتە تەقەکردنە لە بەغداد و کەرکوک.
فەرماندەی پۆلیس فیدراڵی لە بەیاننامیگ رەسیە ئاژانس شەفەق نیوز وت: هیزیگ لە لیوای پەنجەم فیرقەی دویەم/ پۆلیس فیدراڵی، وەبەشداری مەفرەزەیل هەواڵی لیوای سەروە ئاژانس هەواڵگری و لێکۆڵینەوەی فیدراڵی، توەنست یەکیگ لە تاوانکارەیل دەسگیر بکەێد دویای کوشتن هاووڵاتییگ لەناو مرافەیگ لە ناوچەی سابیات باکوور بەغداد، ک دویای دروسکردن تیمیگ هاوبەش و مینەکردن و گردەوکردن زانیاری، رەسیە دەسگیرکردن تاوانکارەگە، و دەسنریا بان تفەنگیگ کلاشینکۆف لەلای بوی ک تاوانەگە وەپی جیوەجی کردیە.
بەیاننامەگە وتیش: لە تەقەلای وەردەوام کەرتەیل پۆلیس فیدراڵی، هیزیگ لە خود لیواگە توەنست توونەتباریگ دەسگیر بکەێد لەناو مرافەیگ لە ناوچەی غەزالیە تەقە کردیە، و دەسنریا بان دەوانچەگەی.
هەرلیوا، هیزیگ لە لیوای یانزە فیرقەی سێیەم پۆلیس فیدراڵی، یەکیگ لە توومەتبارەیل دەسگیر کرد، دویای ئەوە ک لە ناو ئاهەنگیگ لە یەکیگ لە ئاوایەیل ناحیەی ریاز لە کەرکوک تەقە کردیە، و دەسنریا بان تفەنگ کلاشینکۆفیگ لەلای.
