مرافەیگ هووزانە لەبان زەوییگ کشتوکاڵی لە زیقار بوودە هووکار زەخمدارەیلیگ

مرافەیگ هووزانە لەبان زەوییگ کشتوکاڵی لە زیقار بوودە هووکار زەخمدارەیلیگ
2021-01-23T09:24:12+00:00

شەفەق نیوز/ سەرچەوەیگ ئەمنی لە زیقار، ئمڕوو شەممە، خەوەر دا ک ژمارەیگ لە زەخمدارەیل کەفتن لە وەر مرافەیگ هووزانە لەبان زەوییگ کشتوکاڵی لە خوەرهەڵات پارێزگاگە.

سەرچەوەگە ئەرا ئاژانس شەفەق نیوز وت: مرافەیگ هووزانە لە قەزای سەید دەخیل لە شار ناسریە کەفتە ناو هووز ئال ئیبراهیم، و چەک سووک و ناوڕاسی لەناوی وەکار هاوریا، و ئاماژە کرد ک مرافەگە لەبان زەوییگ کشتوکاڵی بوی.

سەرچەوەگە وتیش: دوو زەخمدار لە جەنگە هووزانەگە کەفتن، و دەزگا ئەمنیەگان دەورگرد شوون رووداوەگە گردن، و زەخمدارەگان ئەرا خەسەخانە بردن، و کەفتنە شوون تاوانبارەگان ک وەرەو شوون نادیاریگ واین.

Shafaq Live
Shafaq Live