ئیمام مزگەفتیگ لە دیالە تویش تەو خوینوەربوین تیەێد
2023-06-26T12:57:45+00:00
شەفەق نیوز/ ئیدارەی خەسەخانەی ڤیتێرنەری لە دیالە، ئمڕوو دووشەممە، توومارکردن تویشهاتن نوویگ وە تەو خوەینوەربوین راگەیان، ک یە هەفتەمە لەماوەی ئی ساڵە، وتیش؛ ئیمام یەکیگ لە مزگەفتەیل پارێزگاگە تویش ببماریەگە هاتیە.
ئبتسام جاسم محمد خانمە وەڕیەوبەر خەسەخانەگە ئەرا ئاژانس شەفەق نیوز وت: پیاویگ لەتەمەن ٤٣ ساڵە خەڵک ناحیەی هبهب تویش تەو خوینوەربوین هات، دویای سەردانیگ خیزانی لە ناوچەی ئەسوەد.
دیاری کردیش ک تویشهاتنەگە سەرچەوەی نادیارە لەوەر ئەوە ک بیمارەگە هویچ پەیوەندییگ وە ئیوەتکردن ئاژەڵ نەیرێد، و ئاژەڵیش نزیک ماڵی نییە، و دیاری کرد ک بیمارەگە یەکیگ لە دەمچەرمگەیلە و ئیمام مزگەفتیگە لە ناحیەی هبهب، و ئیرنگە لەناو خەسەخانەی بەعقووبە خەفەتیە.
وتیش؛ تیمیگ هاوبەش لە فەرمانگەی تەندروسی و ڤیتێرنەری روی کرنە ماڵ کەسوکارەیل بیمارەگە ئەرا جیوەجیکردن ریکارەیل تەندروسی و مقیتبوین، و جیوەجیکردن قەیەغەی جموجویل ئازەڵەیل لەناوچەەو دەورگرد ناوچەی بیمارەگە.
