شەشەمە لەماوەی چەن مانگیگ.. تویشهاتن گەنجیگ وە تەو خوینوەربوین لە دیالە
2023-06-17T08:41:36+00:00
شەفەق نیوز/ وەڕیەوبەرایەتی خەسەخانەی ڤیتێرنەری لە دیالە، ئمڕوو شەممە، توومارکردن شەشەم تویشهاتن وە تەو خوینوەربوین لەماوەی ئی ساڵە لە پارێزگاگە راگەیان.
ئبتسام جاسم محمد خانمە وەڕیەوبەر خەسەخانەگە ئەرا ئاژانس شەفەق نیوز وت: گەنجیگ لە تەمەن ١٤ ساڵان تویش تەو خوینوەربوین هات لە ناحیەی عەبارە.
وتیش: تیمیگ هاوبەش لە فەرمانگەی تەندروسی و ڤیتێرنەری روی کردنە شوین بیمارەگە و ریکارەیل تەندروسی وەگەردی جیوەجی کردن، و ریکارەیل فیتێرنتی جیوەجی کردن، وەگەرد پیشکەشکردن وانەیگ هوشداری ئەرا نواگردن تویشبوین وە بیماریەگە، وەگەرد چەسپیان قەیەغەی جوویلەکردند ئاژەڵەیل لەو دەورە تا ماوەی ١٤ رووژ.
وەرجە ئی بیمارە، دیالە لە ساڵ ٢٠٢٢ ٥ تویشهاتن وە تەو خوینوەربوین توومار کرد، مەردم یەک بیمار لەناویان بوی ک لە دەیشت پارێزگاگە تویش ببماریەگە هاتیە.
