ئمڕوو.. ٨ پارێزگای عراق پلەی گەرمی پەنجایی توومار کەن
2024-07-10T06:47:13+00:00
شەفەق نیوز/ نەخشەی مەزەنەیل پلەی گەرمی، ئمڕوو چوارشەممە، نشان توومارکردن پلەی گەرمی ٥٠ یا زیاتر لە ٨ پارێزگای عراق دەن، وەگەرد هاتن وەرز گەرمی لە عراق، کە تا سێ ڕووژ وەردەوام بوود.
ئی پارچەی گەرمیە لە دویەکە سێشەممەو دەسکردە کارەیلی و تا رووژ شەممە وەردەوام بوود، کە ٨ پارێزگا پلەی گەرمی پەنجایی توومار کەن، واست، نەجەف، دیوانیە، بابل، میسان، ناسریە، سماوە، بەسرە، و لە بەغداد رەسێدە ٤٩ پلەی سەدی.
مەزەنە کریەێد پلەی گەرمی لە شارەیل باشوور وڵات بڕەسێدە ٥٠ تا ٥٢ پلەی سەدی، و لە شارەیل ناوڕاس وڵات لە ٤٨ تا ٥٠ پلەی سەدی، و لە خوەرئاوای وڵات لە ٤٥ تا ٤٨ پلەی سەدی، و لە شارەیل باکوور لە ٣٩ تا ٤٥ پلەی سەدی.
