مینێگ لە جیماگەیل جەنگ عراق و ئیران شووانیگ لە دیالە زەخمدار کەێد

شەفەق نیوز/ سەرچەوەیگ لە دیالە، ئمڕوو شەممە، خەوەردا لە زەخمداری کوڕیگ لە شووانەیل پەس، وە هەڵپوقیان مینیگ لە جیماگەیل جەنگ هەیشتایلە نزیک سنوور عراق و ئیران، خوەرهەڵات پارێزگاگە.   

مازن ئەکرەم وەڕیەوبەر ناحیەی قەزانیە ئەرا ئاژانس شەفەق نیوز وت: کوڕیگ لە شووانەیل پەس لەداڵگبوی ساڵ ٢٠٠٧ ، سێ کلگ لەپای بڕیا وتویش چەن زەخمیگتر هات، وە تەقیان مینیگ لە جیماگەیل جەنگ عراق و ئیران لە ناوچەی (کورسنک) لەبان پارچەی سنووری ناوبەین عراق و ئیران.   

ئەکرەم وتیش: زەخمدارەگە بریا خەسخانە، و رویداوەگە لەنزیک ماڵە کوڕەگە بوی مەوقەی دراتنی ئەرا شووانی.