پەلامار چەکدار لەبان سێ بارەگای حزبی لە نەجەف
2023-07-17T07:39:27+00:00
شەفەق نیوز/ سەرچەوەیگ ئەمنی، ئمڕوو دووشەممە، خەوەردا لە پەلامارەیلیگ چەکدار لەبان بارەگای سێ حزب لە پارێزگای نەجەف، شەفەق ئمڕوو.
سەرچەوەگە ئەرا ئاژانس شەفەق نیوز وت: چەکدارەیلیگ نەناسریاگ، شەفەق ئمڕوو، وەچەک قورس پەلامار بارەگایل (ریخریاگ بەدر) لە کووفە، و (ئەنسارولڵا ئەلئەوفیا) لە گەڕەک مەکرمە، و (عەسایب ئەهل حەق) لە گەڕەک موکەرەمین دان، ئەوەیش لەناوڕاس شار نەجەف.
سەرچەوەگە وتیش: چەکدارەیل تفەنگ و چەک ئار بی حی لەو پەلامارەیلە لەبان بارەگایل حزبی وەکار هاوردن.
سەرچەوەگە وتیش؛ یەکیگ لە پاسەوانەیل بارەگایل ریخریاگ بەدر وەو پەلامارە زەخمدار بوی، و چەکدارەیل دویای جیوەجیکردن پەلامارەگە لەو شوینە واین.
