لافاوەیل ئیران پڕ دووڵەیل دیالە کەن

شەفەق نیوز/ وەرپرسیگ حکومەتی لە پارێزگای دیالە، ئمڕوو یەکشەممە، راگەیان پڕەوبوین ٧ لە دووڵەیل ناحیەی مەنەلی وقەزانیەی سنووری وەگەرد ئیران، وداوای دروسکردن بەنداوەیلیگ لە هەردوگ ناحیەگە کردن ئەرا ئەمارکردن ئاوەکە ئەرا جووراجور خزمەتەیل.

مازن ئەکرەم خوزاعی وەڕێۆبەر ناحیەی قەزانیە و جیگر وەڕێۆبەر ناحیەی مەنەلی ئەرا ئاژانس شەفەق نیوز وت: شەپولەیل گەورایگ لە لافاوەیل وەرەو مەنەلی و قەزانیە تەکان دان و ٧ دووڵ پڕەو کردن، دووان لە قەزانیە و ٥ لە مەنەلی وەبی زەردەیلیگ یا خنکانن زەویە کشتوکاڵیەگانیان.

و ئاماژە کرد ک سوودیگ راسی و زانستی لە لافاوەیل ئیرانە لەساڵەیل گوزەیشتە نییە، لەوەر دەرچگن بەنداوەیل قەزانیە و مەنەلی لە کارکردن چوونکە خەڕگ بنیان گردکە، لەوەر پەککەفتن کارەیل پاکەوکردن.

وەڕێوبەر ناحیەی قەزانیە داوای دروسکردن دوو بەنداو لە مەنەلی و قەزانیە کرد ئەرا بەشکردن شبۆلە لافاوەگان و ووارانەگان ک لە سنوور ئیرانەو تیەن، و سوود لەلی بووریەێد، و ئاماژە کرد ک وەزارت سامانە ئاواییەگان و دەزگای گشتی بەنداوەگان تیمیگ رەوانەکرد ئارا دیاری کردن شووتەیل بەنداوەگان لە دووڵ نەفت لە مەنەلی و ناوچەی توساق لە قەزانیە، بەڵکم تا ئیسە هیچ کامیگ راسی نەکریاگە.