لە وتاقیگ خەرگین ئەرا زانکۆی پزیشکی...یەکەم دیوانیە: یە ئەزرەتم بوی

شەفەق نیوز/ خوەنەوار " جەعفەر ماجد موسەوی" لەبان ئاست دیوانییە پلەی یەکەم وە دەسهاورد، لە تاقیکردنەوەی خوەنەوارەیل پۆل شەش دویاناوەندی ساڵ خوەنین 2021 - 2022.

خوەنەوار جەعفەر موسەوی، خوەنین دویاناوەندی لە سەرکەفتی لە ئامادەیی ئبن هەیسەم شەوەکیان تەواو کردیە، هویردەکاریەیل کاریگەریگ لە ژیان و چوینیەتی خوەنستنی ئاشکەرا کەێد و چوین وە نمرە بەرزەگەی لەوانەی دەوروگەردی جیاوازە.

موسەوی ئەرا ئاژانس شەفەق نیوز قسەکرد، ئەو لە داڵگبوی پارێزگای دیوانیەی عراقە، لە ساڵ 2004 لە ناوچەی سەنییەت ئاوای سەێد جاسم لە داڵگ بویە، وەگەر خیزانەگەی لەناو ماڵیگ خەڕگین زندگی کەێد و خوەنێد، و وەگەرد برایەیلی ک ئەوانیش دەرچگن( یەکیگیان دارایی و ئابوری، ئەوەکەیش پەیمانگای پزیشکی) کار کەێد لە پشوو تاوسان جویر کراکار بینا ئەرا وە دەسهاوردن تیکە نان ژیان.

لەباوەت خوەنینی، ئاشکەراکرد پشت وە خوەی بەسایە و شمارەیگ لە بڕوانامەی سوپاس و وە پیزانین وەرگردیە، باوجی لە قۆناغ پۆل شەش ئامادەیی 16 ساعەت لە رووژەگە خوەنستیە، و لە وەختەیل هوچان قورئان پیرۆز خوەنستیە وەگەرد یادەیل ئاینی.

خوەنەوارە سەرکەفتیەگە کوونمرەی  98.57% وە دەس هاوردیە وەبی نمرەی زیایە.

 وتیش، تا ئیسە هویچ خەڵاتیگ رێزلێنان وەپی نەوەخشریایە، و ئەزرەتمەنە خوەنینەگەی لە زانکۆی پزیشکی تەواو بکەێد.

 ‏