لە هەفتەی ئایندە.. خوەڵوتووز لە ناوچەیلیگ عراق سەر دەرکەێد
2024-05-22T09:08:03+00:00
شەفەق نیوز/ دەسەی کەشناسی عراق، ئمڕوو چوارشەممە، مەزەنەی کەشوهەوای وڵاتەگە ئەرا ئی رووژەیل بانانە بڵاو کرد، و باس هەڵسیان خوەڵوتووز لە سەرتای هەفتەی ئایندە کرد.
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای وڵاتەگە ئەرا سوو پەنجشەممە، وەگشتی رووشنە وەگەرد لەکە ئەوریگ، و پلەی گەرمی جویر خوەی مینێد.
وتیش: رووژ جمعە، لە ناوچەی باکوور نیمچە ئەورە وەگەرد نمە وارانیگ، و لە ناوچەی ناوڕاس و باشوور رووشنە وەگەرد لەکە ئەوریگ، و پلەی گەرمی لە گشت ناوچەیل وڵاتەگە کەمیگ بەرزەو بوود.
دیاری کرد کە رووژ شەممە، وەگشتی رووشنە وەگەرد خوەڵوتووز سووکیگ، و پلەی گەرمی لە ناوچەی ناوڕاس و باکوور کەمیگ بەرزەو بوود، و لە ناوچەی باشوور کەمیگ نزمەو بوود.
دەسەگە وتیش: کەشوهەوای وڵاتەگە ئەرا رووژ یەکشەممەی ئایندە, وەگشتی رووشنە وەگەرد چەن پارچە ئەوریگ، و پلەی گەرمی جویر خوەی مینێد.
