یەکەم شەپۆل تاوسان لە عراق

شەفەق نیوز/ پێشبینکار کەشناسی سادق عەتیە، مەزەنە کرد ک عراق بکەفێدە وەر یەکەم شەپۆل تاوسانی، ک پلەیل گەرمی بکەفێدە نزیک ٥٠ پلەی سەدی وەرەو بان لە چەن ناوچەیگ لە هەفتەی ئایندەو، و ئەرا چەن رووژیگ وەردەوام بوود.

عەتیە لە پۆستیگ لەبان ماڵپەڕەیل پەیوەندیە کۆمەڵایەتیەکان نووسان؛ ئمڕوو چوارشەممە، مەزەنەی داوەزین پلەی گەرمی لە شارەیل ناوڕاس و باکوور و خوەرائاوا و فوڕات ناوڕاس کریەێد، و لە شارەیل باشوور جوور خوەیان بمینن.

وتیش؛ لە سوو پەنجشەممەو پلەیل گەرمی دەسکەنە بەرزەوبوین تا لە سەرەتای هەفتەی ئایندە بڕەسێدە ٥ج پلەی سەدی و کەمیگ زیاتر لە شارەیل باشوور، و لە ٥٠ کەمتر لەو شارەیل.

وتیش: لە یەکەم شەپۆل گەرمی تاوسان مەزەنە کریەێد تا چەن رووژیگ وەردەوام بوود.