لەماوەی یەک هەفتە.. داعش دوویەم پەلامار لە باشوور مووسڵ کەێد

شەفەق نیوز/ سەرچەوەیگ ئەمنی، ئمڕوو یەکشەممە، خەوەردا ک خاڵیگ ئەمنی سەروە سوپای عراق لە باشوور مووسڵ، کەفتە وەر پەلاماریگ لەلایەن ریخریاگ داعش. سەرچەوەگە خەوەردا ئاژانس شەفەق نیوز ک خاڵیگ ئەمنی سەروە سوپای عراق دوێەکە ئیوارە، کەفتە وەر پەلاماربگ لە ئەندامەیل داعش، لە نزیک ئاوای منیرە سەروە ناحیەی حەمام عەلیل لە باشوور مووسڵ. سەرچەوەگە وتیش؛ پەلامارەگە وە وەشانن دوو گولەی هاوەن و رزیگ لە تەقەکردن لە دویرەو بوی، و ئیجا وەرەو شوون نادیاریگ واین، و پەلامارەگە هیچ زەخمداربوینیگ لەلایەن سوپای عراق لەلی نەوەیەو. سەرچەوەگە دیاریکرد ک ئەیە دوویەم پەلامارە لە ماوەی ئی هەفتە لە باشوور مووسڵ، دویای پەلامار وەرینیگ لە یەکیگ لە ئاوایەیل ناحیەی شۆڕە و هەمیش هیچ زەردەیلیگ لەو پەلامارە نەوی.