کاروان خیزانەیل داعش لە ژیر پاسەوانی سەختیگ لە سنور عراق رەد کەێد
2021-05-25T15:13:38+00:00
شەفەق نیوز/ کاروان خیزانەیل داعش، ئمڕوو سێشەممە، رەسیە ناو خاک عراق، لە کامپ هۆل سوریا هاتگە.
سەرچەوەیگ ئەمنی پایەبەرزیگ ئەرا ئاژانس شەفەق نیوز وت: پاسەیل تایبەت وە هاوردن خیزانەیل داعش رەسینە ناو سنوور عراق و سوریا، لە ژیر پاسەوانی ئەمنی سەختیگ، و نشان دا ک ری هاتنی کەفێدە بان شەنگال و ێەبیعە وەرەو کامپ جەدعە.
سەرچەوەگە دیاری کرد ک هێزە ئەمنیەیلە لە باشوور مووسڵ کار ئەرا دیاریکردن رییگ تایبەت تەنیا ئەرا کامپەگە کەن، ئەرا نواگردن نزیکەوبوین مەدەنیەیلە.
