داعش تووپواران ئاواییگ لە مووسڵ وە هاوەن کەێد
2021-08-05T06:57:29+00:00
شەفەق نیوز/ سەرچەوەیگ ئەمنی لە پارێزگای نەینەوا، ئمڕوو پەنجشەممە، خەوەردا ک ریخریاگ داعش تووپواران ئاواییگ لە پارێزگاگە کرد وە گولەی هاوەن.
سەرچەوەگە ئەرا ئاژانس شەفەق نیوز وت: ئەندامەیل ریخریاگ داعش دوێەشەو لە وەخت دیریگ، چەن گولەیگ هاوەن وەشاننە بان ئاوای عەدلە لە قەزای مەخموور لە باشوور خوەرهەڵات مووسڵ.
سەرچەوەگە دیاری کرد ک لەناونی ٣ تا ٥ گولە کەفتە شوینەیلیگ جیاجیا لە ئاوایەگە، وەبی زەخمداری کەسیگ.
