لە سووەو.. واران لە عراق گلەو خوەێد
2024-03-14T07:32:10+00:00
شەفەق نیوز/ شارەزای کەشناسی عەلی زیادی، ئمڕوو پەنجشەممە، راگەیان کە واران لە سوو جمعەو ئەرا عراق گلەو خوەێد، هەمیش هووشداری کرد کە لە ناوڕاس هەفتەی ئایندە سەختەو بوود، وەگەرد زریان و گرمەهر.
زیادی وتیش: مەزەنەیل نشان دەن کە وڵاتەگە لە ناوڕاس هەفتەی ئایندە کەفێدە وەر واران فرەیگ کە ئەو ئەورە پەڵە دەێد و ناوچەیل گەورەیگ گرێدەو لە عراق و شام و دەوڵەتەیل خەلیج.
وتیش: واران لە نیمەڕو رووژ دووشەممەی ئایندە ١٨ی ئادار دەسوەپی کەێد، و هووشداری لە بەڵاچە و تەگر لە چەن پارێزگایگ عراقی دا.
زیادی دووپات کرد کە واران فرە رفتیگ لە بەشەیل خوەرھەڵات وڵاتەگە بوارێد، وتيش: سوو جمعة لە باشوور و ناوڕاس وڵاتەگە وەتایبەت فورات ناوڕاس واران وارێد.
