لە رووژ ڤالانتاین... سێیەم خوەیکوشتن لە بەغدا
2022-02-14T16:39:24+00:00
شەفەق نیوز/ سەرچەوەیگ ئەمنی، ئمڕوو دوشەممە، خەوەردا خانمیگ گەنج سی ساڵان خوەی کوشتیە لەوەر گرفتەیل خیزانی لە خوەرهەڵات پایتەخت، لەماوەی چەن ساعاتیگ سێیەم خوەیکوشتن ژن توومار کرێد.
سەرچەوەگە وە ئاژانس شەفەق نیوز وت: ژنیگ لە داڵگبۊی 1992 خوەی وە لەچگ لەناو مماڵەگەیل ناوچەی ئەورفلی لە شار سەدر خوەرهەڵات بەغدا داسەسێدارە.
ئاشکەرای کرد" زانیاریەیل سەرەتایی دیاری کەن هووکار خوەیکوشتنەگەی لەوەر گرفت بۊیە لەنوان خوی و هاوسەرەگەی، دیاریکرد، پۆلیس تەرمەگە ئەرا فەرمانگەی پزشک دادوەری کلکردیە.
