لەبان قاپیگ برنج.. مرافەی چەکداریگ لە باشوور عراق

شەفەق نیوز/ سەرچەوەیگ ئەمنی لە پارێزگای میسانر ئمڕوو جمعە، خەوەردا لە مرافەیگ هووزانە لەناونی کەسەیلیگ لە خود هووزەگە، رەسیە تەقەکردن و هیمان وەردەوامە.

سەرچەوەگە ئەرا ئاژانس شەفەق نیوز وت: مرافەگە لە ناونی کەسەیلیگ لە هووز «بە غەنام» لە قەزای کەحلا بوی لەناو یەکیگ لە بۆنەیلە رەسیە جەنگ گەورەیگ وە چەم قورس، وتیش؛ مرافەگە لەبان قاپیگ برنج بوی ک نەخریا وەردەس یەکیگ لە میوانەیل بۆنەگە.

سەرچەوەگە وتیش؛ هێزە ئەمنیەیلە لەوەر خەسی تەقەکردنەگە سەختی لە دەسوەردانی وەخوەی دوینێد، وەلێ دەروازەیل قەزای کەحلا گردنە تا هووزەیلیگ تر نەمفتە ناو ئەو جەنگە و فراوانترەو نەوود.