لە بەغدا...وە نماز و سەردانکردن قەورەیلیان و خواردن کاهی و گێمەر کۆتایی وە رووژەگردن تیارن...وینە
2023-04-21T10:16:23+00:00
شەفەق نیوز/ عەراقیەیل وە تایبەت بەغدای پایتەخت یەکەم رووژ جەژن دابونەریت جیگیریگ دیرێد، ک نماز جەژن و سەردانکردن قەورسان، و ناشتای تایبەتیگ هاناوی.
سونە مەزهەبەیل عراق و هەرێم کوردستان، ئمڕوو جومعە، ئاهەنگ یەکەم رووژ جەژن ئەنجام دەن، باوجی رێبەریەت شیعەی وڵاتەگە سوو شەممە جویر جەژن راگەیان.
لە بەغدای پایتەخت، نمازکەرەیل شەوەکی شەفەق روی کەنە مەزارگەی شێخ عەبدولقادر گەێلانی و ئەبی حەنیفە نوعمان، ئەرا ئەنجامدان نماز جەژن، و لەدویای ئەوە مەردم سەردان قەور کەسوکار مردگەیلیان کەن جویر دابونەریت عەراقیەیل لە یەکەم رووژ جەژن.
وەبی ژەم ناشتا جەژن تەواو نیەکریەد، وەپای ئەوەگ بازاڕ سەدریە قەڵەباڵغە وە ئەو مەردمەیلە ک ژەمە کاهی و گەێمەر خوەن و بویەسە یەکیگ لە کارەیل هەمیشەیی جەژن لەلای عراقیەیل.
