كوشیان پیاویگ وەدەس خەسویرەیلی لە دیوانیە و دەسگیرکردن داواکریایلیگ لە بەغداد
2021-07-28T10:15:45+00:00
شەفەق نیوز/ سەرچەوەیگ ئەمنی، ئمڕوو چوارشەممە، خەوەردان لە کەسیان پیاویگ وەدەس باوان ژنەگەی لە پارێزگای دیوانیە.
سەرچەوەگە ئەرا ئاژانس شەفەق نیوز وت: پیاویگ لە تەمەن ٢٥ ساڵان وەدەس خەسویرەیلی لەوەر ناکۆکیلەل خیزانی لە ناحیەی نەفر لە پارێزگای دیوانیە وەگولە کوشیا.
لەلای خوەییش پۆلیس بەغداد خەوەردا لە دەسگیرکردن بڕێ داواکریاگ وەگورەی باوەتەیلیگ جیاجیا و تیرۆر هاناویان.
لە بەیاننامەیگ رەسیە ئاژانس شەفەق نیوز وت: مەفرەزەیل پۆلیس پارێزگای بەغداد لە وەڕێۆبەرایەتی خاڵەیگ وە رییەیل دەیشت، توێنستن ماشین باریگ لە خوەراک قەیەغەکریاگ بگرن.
وتیش؛ لە مەوقەی پرسیارکردن لە ناو خاوەن ماشینەگە دەرکەفت ک خوەی وەگورەی مادەی چوار تیرۆر داوا کریاگە.
