كەشناسی عراق: وارانیگ نیمچە رفت لەماوەی ئی دوو رووژ بانانە
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای سوو سێشەممە، لە ناوچەی ناوڕاس نیمچە ئەورە تا ئەور تەواوە وەگەرد نمە وارانیگ جاروبار بەڵاچە وەگەردی هەس، و لە ناوچەی باکوور ئەورە وەگەرد پرشە وارانیگ لە شوینەیلیگ جیاجیا لە مەوقەی شەو، و لە ناوچەی باشوور نیمچە ئەورە تا ئەور تەواوە، و پلەی گەرمی لە گشت وڵاتەگە نزیک رووژ وەرجە خوەیە.
وتیش: رووژ چوارشەممە، لە گشت وڵاتەگە نیمچە ئەورە تا ئەور تەواوە وەگەرد نمە وارانیگ جاروبار رفتە وەگەرد بەڵاچە، و پلەی گەرمی لە گشت وڵاتەگە چەن پلەیگ داوەزێد.
دیاری کرد کە رووژ پەنجشەممە، لە ناوچەی ناوڕاس نیمچە ئەورە وەگەرد پرشە وارانیگ، و لە ناوچەی باکوور نیمچە ئەورە وەگەرد نمە وارانیگ لە بەشەیل خوەرهەڵاتی، و لە ناوچەی باشوور نیمچە ئەورە تا ئەور تەواوە وەگەرد نمە وارانیگ، و پلەی گەرمی لە گشت وڵاتەگە نزیک رووژ وەرجە خوەیە.
دەسەگە وتیش: کەشوهەوای وڵاتەگە ئەرا رووژ جمعەی ئایندە، لە ناوچەی ناوڕاس و باشوور نیمچە ئەورە، و لە ناوچەی باکوور نیمچە ئەورە وەگەرد پرشە وارانیگ، و پلەی گەرمی لە گشت وڵاتەگە کەمیگ بەرزەو بوود.
