فەرمان وەزاری...دامەزرانن زیاتر لە 8000 هەزار یاریدەر ماموسا لە خوەنین باڵا
2023-03-16T14:15:24+00:00
شەفەق نیوز/ وەزیر خوەنین باڵا و لێکۆڵینەوەی زانستی نەعیم عەبودی، ئمڕوو پەنجشەممە، فەرمان وەزاری دامەزرانن زیاتر لە 8000 هەزار یاریدەر ماموسا راگەیان.
نوسینگەی راگەیانن وزارەتەگە لە بەیاننامەیگ رەسیە ئاژانس شەفەق نیوز راگەیان، عەبودی فەرمان وەزاری دامەزرانن 8328 دەرکردیە ئەرا خاوەن بڕوانامەیل ماستر وە پشت بەسین وە بڕیارەیل و یاسا کاروەپیکریاگەیل.
وەزارەت خوەنین باڵا داوا کەێد ئەو کەسەیلە ک دامەزرانەگە گردیەسیانەو و ناویان لە بڵاوکریاگەی ماڵپەر فەرمیەگە هەس ئامادە بوون لە وەزارەتەگە ئەرا تەواوکردن رێکارەیل دامەزرانن وە شیوەی فەرمی و داووکەێد وەگەردیان چوار بەڵگەنامەگە بارن، وەگەرد کۆپیگ رەنگاوڕەنگیان و 4 وینەی کەسی، و بەڵگەنامەی دەرچگن و یان پشتگیری دەرچگن یان بڕیار هەڵسەنگاندن بڕوانامە (2دەنگ)، دەسوەپی بکەن لەماوەی دە رووژ وەپای فەرمان وەزاری ک لە 2023/3/16 دەرچگە.
