مزگانی خوەشیگ لە حکومەت هەرێم کوردستان ئەرا وانەبێژەیل پەتی

شەفەق نیوز/ وەزارەت پەروەردە و فێرکردن لە هەرێم کوردستان، راگەیان ئەوەسا مامووستایل پەروەردەی تایبەت ئەرا خوەنەوارەیل کەمئەندام ئەرا ساڵ خوەنستن نوو دامەزریەن. 

حکومەت هەرێم کوردستان کتاویگ فەرمی وە واژوو ئاڵان حەمید ساڵح ئەرا وەڕێەوبەرایەتیەیل گشتی پەروەردە و فێرکردن لە پارێزگایل وئیدارەیل سەروەخوەیی کلکرد، و ئاژانس شەفەق نیوز نووڕیەی، ئویشێد: لە ماوەی (26-7-2022) تا (4-8-2022)، داوا لە وەڕێوەبەرایەتیەیل گشتی پارێزگایل وئیدارەیل سەروەخوەیی کریاگە بەیاننامە و خوازینەیل خوەنەوارەیل کەمئەندام لە مەکتەوەیل حکومەتی ئەرا وەڕێوەبەرایەتی خوەنەوارەی سەرەتایی و ساوایل لە وزارەتەگە کل بکەن.  

کتاوەگە دووپات کرد ک ناوەیلە وەگورەی سیستەم (E-parwarda) کل بکەن، تا مامووستایل پەروەردەی تایبەت یا وانەبێژەیل پەتی وەگورەی توانایان وخوازینیان ئەرا ئەو مەکتەوەیلە  کل بکەن.