فەرمان زیندانکردن ئەندامەیلیگ ئەمنی مەدەنییەلیگ لەباشوور عراق کوشتنە
2021-02-24T10:03:13+00:00
شەفەق نیوز/ دادگای تاوانەگان زیقار لە قەزای شەترە، ئمڕوو چوارشەممە، فەرمانەیلیگ وە زیندانکردن دژوە ٣ ئەندام لە پۆلیس وەتوومەت کوشتن هاووڵاتییەیلیگ دەرکرد.
سەرچەوەگە ئەرا ئاژانس شەفەق نیوز وت: دادگای تاوانەگان زیقار/ دەزگای دوویەم لە قەزای شەترە، فەرمانەیل زیندانکردن لەبان سێ کەس لە پۆلیس دەرکرد، وە توومەت کوشتن و زەخمدارکردن هاووڵاتییەیلیگ لە دانیشتن ئاشتەوبوین هووزانەیگ لە ساڵ گوزەیشتە، و ئاماژە کرد ک فەرمانەیل زیندانکردنەگان وە ١٥ ساڵ لەبان هەر توومەتباریگ بوی، وە بڕ ٤٥ ساڵ ئەرا سێ توومەتبارەگە.
سەرچەوەگە دیاری کرد ک بڕیارەگان وەگورەی مادەی ٤٠٦ لە یاسای سزاگان عراق ژمارەی ١١١ ئەرا ساڵ ١٩٦٩ دەرچگن.
