٦٥ عراقی لە ئۆکرانیا قورتار کریان
شەفەق نیوز/ وەزارەت دەرەوەی عراق قورتارکردن 65هاوڵاتی عراقی لە ئۆکرانیا راگەیان ک لەدۆخ خەراویگب ۊن ئاشکەرا کرد ک ژن و مناڵ و وەتەمەن لەناویان بۊە.
ئمڕوو چوارشەممە وەزارەت دەرەوەی عراق بڵاوکردەو، لەوەر وەردەوامی مەترسییەیل لە ئۆکرانیا 60هاوڵاتی عراقی لە شارەیل سومی و خارکیڤ قورتار کریانە.
ئاشکەرا کرد، لەناو هاوڵاتییەیل ژن و مناڵ و هاوڵاتی وەتەمەن هەس. دیاری ئەوە کرد، تۊنستنە خێزانیگ پەنج کەسی ک کوورپەیگ 20 رووژە لەناویان بۊە، لە ناوچەیگ خەراو خارکیڤ قورتار بکەن.
لەدۊای پەلامارەیل روسیا وەبان ئۆکرانیا، شمارەیگ فرە لە هاوڵاتی عراقی وە هەرێم کوردستانیش لەو وڵاتە گیر هاتنە بەشیگیان ئاوارەی پۆڵەندا بۊن.
لە گوزەشتە وەزارەت دەرەوەی عراق راگەیان لەڕی باڵیۆزخانەیل لە ئۆکرانیا و بیلاروسیا و پۆڵەندا هاوکاری ئەو هاوڵاتی عراقیەیلە کەن و تەقەلای گلەوخواردن دەن.
