عراق ئەرا هاوردەی گاز وەکارخستن کارەبا رۊ وە قەتەر کەێد
2022-02-07T15:27:27+00:00
شەفەق نیوز/ وەزارەت کارەبای عراق، ئمڕوو دووشەممە، راگەیان ئەوەسا پەنا وە گاز قەتەر بەێد تا سوتەمەنی ئەرا ویستگەیل وزە بخەێدە کار.
وەزارەتەگە لە بەیاننامەیگ رەسیە ئاژانس شەفەق نیوز وت: عادل کەریم جینشین وەزیر لە سەردانە کوڵەگەی ئەرا دەوڵەت قەتەر وەگەرد وەزیر پتڕۆل و وزەی قەتەر سەعەد شریدە کەعبی باس توانای هرناردەی گاز قەتەر ئەرا عراق کرد، تا ئەو کەمپە لە گاز وەکارخستن کارەبا پڕەو بکەێد.
وتیش: لە چەوپیکفتنەگە باس باوەتەیل لۆجستیکی ئەرا هاوردەی گاز لەڕی بەندەرەیل قەتەر و عراق کریا، و دیاری کرد ک لایەن قەتەر ئامادەبۊن خوەی ئەرا ئەوە نشان دا.
وەزارەتەگە وتیش ئی کارە ریکارەیل زۊییگ لەلایەن وەزارەت نەفت و گواستنەوە و دارایی و گشتی وەگەرد کارەبا خوازێد تا ئی پڕۆژەی گرنگە جیوەجی بوود.
