کەشوهەوای چوار رووژ ئایندە لە عراق
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای سوو چوارشەممە، رووشنە وەگەرد لەکە ئەوریگ لە ناوچەیل ناوڕاس و باشوور، و لە ناوچەی باکوور رووشنە تا نیمچە ئەور وەگەرد دەرفەت واران لە بەشەیل باکووری، و پلەی گەرمی لە گشت وڵاتەگە چەن پلەیگ بەرزەو بوود.
بەیاننامەگە وتیش: رووژ پەنجشەممە، رووشنە وەگەرد لەکە ئەوریگ لە گشت وڵاتەگە، و پلەی گەرمی لە ناوچەیل ناوڕاس و باکوور چەن پلەیگ داوەزێد، و لە ناوچەی باشوور کەمیگ لە رووژ وەرجە خوەی بەرزترەو بوود.
دیاری کرد ک رووژ جمعە، رووشنە وەگەرد لەکە ئەوریگ لە ناوچەیل ناوڕاس و باشوور، و لە ناوچەی باکوور نیمچە ئەورە، و پلەی گەرمی لە گشت وڵاتەگە چەن پلەیگ لە رووژ وەرجە خوەی داوەزێد.
وتیش: کەشوهەوای رووژ شەممەی ئایندە، رووشنە وەگەرد لەکە ئەوریگ لە گشت وڵاتەگە، و پلەی گەرمی لە ناوچەیل ناوڕاس و باکوور نزیک رووژ وەرجەخوەیە، و لە ناوچەی باشوور کەمیگ لە رووژ وەرجە خوەی داوەزێد.
