کەشوهەوای عراق.. واران وگرموهڕ و داوەزین گەرمی
شەفەق نیوز/ دەزگای کەشوهەوا و رەوانگەی زەویلەزە،ئمڕوو شەممە، مەزەنە کرد گەردەلویلیگ وڵاتەگە لە دوو رووژ ئایندە کەشوهەوای ناوبەیژ نیمچە ئەور و پەڵەداین و واران وەخوەی بوینێد، وەگەرد داوەزین پلەی گەرمی.
دەزگاگە لە بەیاننامیگ رەسیە ئاژانس شەفەق نیوز وت: کەشوهەوای سوو یەکشەممە لە گشت ناوچەیل وڵاتەگە، بوودە نیمچە ئەور تا نمە وارانیگ و بەشیگیگ گرموهڕ بوود.
وتیش: ئەوەسا پلەی گەرمی سوو لە بەغداد لە ئمڕوو کەمترەو بوود، و بوچکەگە رەسێدە ١٣ پلە و گەپەگە رەسێدە ٣٤ پلەی سەدی، و واگە باشووری خوەرهەڵاتی هەڵکەێد.
دەزگاگە وتیش: کەشوهەوای رووژ دووشەممەی ئایندە لە ناوچەیل ناوڕاس و باکوور بوودە نیمچە ئەور و واران وارێد، وەگەرد گەردەلۊل تریشقە لە ناوچەی باکوور.
هەمیش وت: ئەوەسا پلەی گەرمی کەمیگ لە رووژ وەرینی کەمترەو بوود، و واگە باشووری خوەرهەڵاتی وە تونی ناوڕاسیگ هەڵکەێد، و لەناوچەی باشوور کەشوهەواگە بوودە نیمچە ئەور و پلەی گەرمی کەمیگ داوەزێد، و واگە باشووری خوەرهەڵاتی هەڵکەێد.
