ئمڕوو دەسکەێدە واران وئەوروتریشقە لە بەغداد و هەرێم و ناوچەیل باکوور
شەفەق نیوز/ شارەزای کەشناسیگ پیشبینی کرد، ئمڕوو پەنجشەممە، ناوچەیل باکوور وڵاتەگە کەشوهەوای سەردیگ وەگەرد ئەگەر واران وارین بدۊننە خوەیان، مەوداگەی رەسێدە تا بڕیگ لە ناوچەیل بەغدا لە ئمڕوو دەسوەپی کەێد تا شەممەی ئایندە، پلەی گەرمی مامناوەندە لە ناوچەیل ناوراس و باشوور لە نیمەروو.
سادق عەتیە لەڕی پۆستیگ ک لەبان پەرەی تایبەت خوەی لە فەیسبووک بڵاوکردیە وت،" داوەزین بەستەلەکی کاریگەری دروسکەێد لەبان وڵاتەیل شام کاریگەریەیلی رەسێدە عراق وە شەپیگ دەردی بوودە مدوو جیاوازی پلەی گەرمی رۊکەشیگ لەئەنجام شەپیگ خوەڵوتوز و داوەزین پلەیل گەرمی دروس بوود.
عەتیە وتیش" شەپۆلیگ سەردی وەشیوەی ئاشکەرا دەسوەپی کەێد، لە باکوور و خوەرئاوای وڵات هەس وەپی کریەێد، کاریگەری کەمتریگ لەبان شارەیل باشوور دیرێد، کەشوهەوا سەردە لە شارەیل باکوور و مامناوەندە لە ناوراس و باشوور و لە شەوانە وەرەو سەردی چوود.
دیاریکرد، " واران وارین و ئەورە تریشقە لە شارەیل هەرێم کوردستان ومنەێنەوا و کەرکوک وئەنبار وسەڵاحەدین و دیالە بڕیگ لە ناوچەیل بەغدای پایتەخت گرێدەو، لە ئمڕوو و سوو تا شەوەکی شەممە".
